Mwagala News

Kitaifa, Kimataifa, Siasa, Michezo na Burudani

Latest Post

ALIYEKUWA  mbunge wa Singida Kaskazini Lazaro Nyalandu kesho ataungana na viongozi wa Chadema kwenye kampeni za  uchaguzi mdogo wa udiwani utakaofanyika katika kata 43 nchi.

 Akizungumza jana Novemba 11, kwenye ufunguzi wa kampeni hizo Kimara Suka jijini Dar es Salaam, Mwenyekiti wa Chadema Freeman  Mbowe amesema  amempokea Nyalandu na ataungana naye kwenye mkutano mwingine kama huo utakaofanyika Mtwara mjini hapo kesho.

‘’Kila anayeondoka chama tawala anaitwa fisadi, potelea mbali wamempokea na wengine wengi watahamia kuleta mabadiliko’’ amesema na kuongeza

"Mabadiliko hayaji  ghafla  yanakuja taratibu na ujio wao ndiyo mwanzo wa mabadiliko  tulipoanza na tulipo sasa kuna tofauti kubwa" amesema  Mbowe.

Amefafanua  kwamba haungi mkono nchi kuwa na wezi, lakini anashauri sheria iachwe iamue haki badala ya kuingiliwa kama inavyofanyika kwa mahakama.Huku akidai kwamba watawala wana hofu ndiyo maana hawataki ushauri.

Amesema wataendelea kupigania haki ya kupigania haki ya kufanya mikutano ya kisiasa na ipo siku wataingia mtaani kuidai bila kuogopa vifaru.

Amesema huu siyo wakati wa kuogopa na kukaa kimya ni wakati wa kusimama na kutetea haki ya kufanya siasa.

Kuhusu uchumi kusinyaa amesema ni kweli umesinyaa na inaonekana wazi jinsi maisha yalivyo  wananchi, wafanyabiashara, watawala wote wanalia njaa hakuna mwenye nafuu.

Meya wa Manispaa ya Ubungo, Boniface Jacob amesema anahitaji kuongeza nguvu ya kuleta maendeleo katika manispaa hiyo, hivyo  mgombea udiwani  kata ya Saranga Ephram Kinyafu anatosha.

Naye Mjumbe wa Kamati Kuu na Mwenyekiti wa Kanda ya Pwani Frederick Sumaye amehoji kuhusu hali za wananchi kuendelea kuwa mbaya.

"Tumeamua na tunamaanisha wakati huu ushindi ni lazima, na mtakaotupa ushindi ni nyie wananchi" amesema Sumaye.

Almasi ya thamani kubwa yapatikana Sierra LeoneWACHIMBA  migodi nchini Sierra Leone wamepata almasi ya karati 476 ambayo inatajwa kuwa ya 29 kuwai kupatikana duniani.
Wataalamu bado hawana uhakika inaweza kuwa ya thamani ya kiasi gani.
Hii ni miezi minane baada ya almasi ya zaidi ya karati 700 kupatikana ambayo ni kabwa zaidi kuwai kupatikana nchini Sierra Leone kwa nusu karne.
Jiwe hilo linatarajiwa kuuzwa kwenye mnada mjini New York mwezi ujao.
Mkurugenzi mkuu wa shirika la madini nchini Sierra Leone alisema kuwa kupatikana kwa almasi hiyo kunaonyesha umuhimu wa mkoa wa Kono ambapo almasi hizo zote zimepatikana.
Nchi hiyo ina matumaini ya kutumia mnada huo wa mwezi Desemba kujikwamua kutoka vita vya wenyewe kwa wenyewe vya miaka 11 ambavyo vilichangiwa na biashara ya almasi.
CHANZO BBC NEWS



 

Image result for dk msonde 

NA MWANDISHI WETU, DAR

BARAZA la Mitihani la Tanzania limetangaza kuanza kufanyika kwa mitihani ya kitado cha pili na Darasa la Nne Novemba mwaka huu.

Mitahi hiyo itaanza kwa awamu mbili ambapo ,kesho jumla ya wanafunzi  521,855 wa kidato cha pili wataanza kufanya mitihani hiyo huku wavulana wakiwa 251, 570 sawa na asilimia 48.21 na wasichana wakiwa 270, 285 sawa na asilimia 51.79.

Akizungumza na waandishi wa habari jijini hapa leo, Katibu Mtendaji wa baraza hilo Dk. Charles Msonde amesema kuwa mitihani ya kidato cha pili itaanza kufanyika kesho Novemba 13 na kumalizika Novemba 24 katika jumla ya shule za Sekondari 4,705.

Amefafanua kuwa katika wanafunzi hao wa kidato cha pili , wapo wenye uoni hafifu ambao alitaja idadi yake kuwa 330.

Akizungumzia mtihani wa  upimaji  wa kitaifa wa darasa la nne, Dk Msonde amesema jumla ya wanafunzi 1,195,970 wamesajiliwa kufanya mtihani huo mwaka huu.

Ameongeza kuwa kati ya wanafunzi hao waliosajiliwa ,wavulana ni 592,005 sawa na asilimia 49.50 na wasichana ni 603,965 sawa na asilimia 50.50.

Aidha Dk. Msonde amefafanua kuwa mitihani hiyo itaanza kufanyika Novemba 22 hadi 23 mwaka huu ambapo utafanyika Tanzania bara katika jumla ya shule za msingi 17,224.

Amefafanua “kuwa dhana ya upimaji wa kitaifa hutofautiana na ile ya mitihani ya Taifa kwakuwa upimaji wake hufanywa katikati ya mafunzo wakati mitihani ya kitaifa hufanyika mwishoni mwa mafunzo.

Akizungumzia kuhusu maandalizi ya mitihani hiyo, Dk. Msonde amesema yamekamilika ikiwa ni pamoja na kusambazwa kwa karatasi za maswali yatakayotumika katika upimaji huosambamba na nyaraka zote muhimu zinazohusu upimaji huo katika mikoa, halmashauri zote Tanzania Bara.





Russian President Vladimir Putin (R) and US President Donald Trump (L) talk at the Apec summit on 11 November
RAIS  wa Marekani Donald Trump na mwenzake wa Urusi Vladimir Putin wamekubaliana kuhakikisha kundi la wapiganaji wanaojiita Islamic State (IS) wanashindwa nchini Syria, maafisa wa rais wa Urusi wamesema.

Ikulu ya Urusi imesema taarifa imeandaliwa na wataalamu baada ya viongozi hao wawili kukutana kwa muda mfupi pambizoni mwa mkutano wa viongozi wa nchi za Asia na Pasific nchini Vietnam Jumamosi.

Kwa jumla, viongozi hao wawili walikutana mara tatu katika kipindi cha saa 24 katika mji wa Da Nang hakuna uthibitisho wowote rasmi kutoka kwa Marekani kuhusu tamko hilo la Urusi.

Mkutano kati ya Rais Trump na Vladimir Putin ulitarajiwa kufanyika wakati wa mkutano huo wa Apec, lakini ni maelezo machache sana ambayo yametolewa.

Wawili hao walikutana kwa mara ya kwanza Julai katika mkutano wa G20 katika mji wa Hamburg nchini Ujerumani.
Maswali kuhusu uhusiano wa Donald Trump na Urusi yamekuwa yakiulizwa mara kwa mara wasaidizi wake wakuu wa zamani wanachunguzwa kwa tuhuma za kushirikiana na Urusi kuingilia uchaguzi wa urais wa Marekani wa mwaka 2016.

Ingawa White House haijasema chochote kuhusu mkutano wa wawili hao, taarifa ya Kremlin iliyotolewa Jumamosi imesema viongozi hao "waliafikiana kwamba mzozo wa Syria hauwezi kutatuliwa kwa njia ya kijeshi".

Kadhalika, walikariri "kujitolea kwao kuwashinda Isis [jina jingine la IS" na kuzitaka pande zote kushiriki mazungumzo ya amani ya Geneva.
Kwa mujibu wa shirika la habari la Interfax la Urusi, wameahidi kuendelea kudumisha njia za mawasiliano za kijeshi kati ya majeshi ya Urusi na Marekani kuzuia uwezekano wa kushambuliana wakati wakishambulia IS.

Urusi imekuwa ikiunga mkono serikali ya Bashar al-Assad katika vita vya wenyewe kwa wenyewe vilivyodumu miaka sita sasa.

Marekani nayo huwasaidia waasi wa makundi ya Waarabu wa Syria na Wakurdi  ambapo angu 2014, Marekani imeongoza muungano ambao umekuwa ukitekeleza mashambulio ya kutoka angani dhidi ya IS nchini Syria.

CHANZO BBC NEWS 

IMGL1880
Spika wa Bunge na Mbunge wa Jimbo la kongwa, Mheshimiwa Job Ndugai akizungumza na Watendaji Mbali mbali wa halmshauri ya wilaya ya kongwa katika kikao kilichofanyika leo ofisini kwake kongwa Mjini Dodoma.
IMGL1920
Watendaji Mbali mbali kutoka halmashauri ya wilaya ya kongwa wakimsikiliza Spika wa Bunge, Mheshimiwa Job Ndugai (katikati) wakati wa kikao cha pamoja kilichofanyika leo katika ofisi ya Mbunge (Spika wa Bunge) wilayani kongwa Mkoani Dodoma.
(PICHA NA OFISI YA BUNGE)

0V5A0017Mkurugenzi wa Uchaguzi Kailima Ramadhaniakiwa na kitabu cha wageni kwenye Ofisi ya Serikali ya Mtaa wa Malindi Estate ambayo ipo kwenye nyumba ya mmoja wa wagombea wa Uchaguzi Mdogo wa Madiwani Kata ya Mbweni.Picha na NEC.
Hussein Makame-NEC
TUME ya Taifa ya Uchaguzi (NEC), imejiridhisha kuwa uamuzi wa kuvihamisha vituo 21 vya kupigia kura katika Kata ya Mbweni, jimbo la Kawe katika Halmashauri ya Manispaa ya Kinondoni, umezingatia Sheria na Kanuni za Uchaguzi.
NEC imetoa msimamo huo, baada ya kupokea taarifa kutoka kwa baadhi ya wananchi na vyama vya siasa wakilalamika kuwa Tume ya uchaguzi imehamisha vituo vinane (8) vya kupigia kura na kuvipeleka kwenye Kituo cha Polisi, hatua waliyoeleza kuwa ni kuwanyima haki wapiga kura katika kutimiza haki ya msingi.
Malalamiko mengine yaliyoifikia NEC ni kwamba Tume ilivihamisha vituo vingine 15 kutoka maeneo ya awali na kuvipeleka maeneo mengine jambo ambalo baadhi ya vyama havikukubaliana na uamuzi huo.
Kutokana na malalamiko hayo, jana Jumanne Mkurugenzi wa Uchaguzi wa NEC, Kailima Ramadhani akiambatana na watendaji wengine wa Tume, walitembelea maeneo hayo na kujiridhisha kuwa mabadiliiko ya vituo yaliyofanywa na msimamizi wa uchaguzi yamekidhi matakwa ya kisheria.
“Nimefika hapa jimbo la Kawe kata ya Mbweni, baada ya mwananchi mmoja kunitumia ujumbe akiniambia kuwa kuna chama kimoja kinachoshiriki Uchaguzi Mdogo wa Madiwani wa Kata ya Mbweni kinalalamika kwamba Tume imehamisha vituo vya kupigia kura kiholela,” alisema Ramadhani.
Mkurugenzi wa Uchaguzi aliongeza kuwa, chama hicho kimelalamika kuwa vituo hivyo vimepelekwa kwenye eneo la kituo cha Polisi, kwa hiyo huenda wapigakura wakanyimwa haki yao ya kupiga kura.
Alisema alipowauliza watendaji wa Halmashauri ya Manispaa ya Kinondoni, majibu yao hayakumridhisha ndipo alipoamua kufika eneo la tukio.
“Kwanza wanalalamika kwamba vituo vilivyohamishwa ni 27, lakini ukweli ni vituo 21, vituo hivyo vimehamishwa kwa mujibu wa Sheria kwa sababu  Novemba mosi 2017, Msimamizi wa Uchaguzi ngazi ya Kata aliviita vyama vinne na kufanya mkutano na aliwaambia tunavihamisha vituo hivyo kwa sababu mbalimbali.
“Sababu alizozitoa msimamizi wa uchaguzi ni kwamba vituo vinane  vilikuwa shule ya Sekondari New Era na vituo saba7 vilikuwa jirani na nyumbani kwa mgombea ambaye ni Mwenyekiti wa Serikali ya Mtaa na vituo sita vilikuwa kwenye eneo la Kanisa,” alifafanua Kailima.
Alibainisha kuwa kifungu cha 20 (2) cha Kanuni za Uboreshaji wa Daftari la Kudumu la Wapiga Kura za Mwaka 2015 na Kifungu cha 21 cha Kanuni za Uchaguzi Mkuu wa 2015, vinabainisha kuwa vituo vya kupigia kura havipaswi kuwa kwenye maeneo ya watu binafsi, kwenye maeneo ya ibada na kwenye kambi za jeshi.
Kutokana na msingi wa kanuni hizo, Kailima alithibitisha kuwa uamuzi wa kuvihamisha vituo hivyo kwenye maeneo hayo ambao umefanywa na  msimamizi wa uchaguzi wa jimbo la Kawe ulikuwa sahihi.
Naye Mkurugenzi wa Halmashauri ya Manispaa ya Kinondoni ambaye ndiye  Msimamizi wa Uchaguzi wa Jimbo la Kawe ilipo kata ya Mbweni, Aron Kagurumjuri alisema malalamiko kuhusu kuhamishwa kwa vituo hivyo yalitolewa na chama kimoja kati ya vyama vinne ambavyo vitashiriki kwenye uchaguzi mdogo wa diwani wa kata hiyo.
Alisema Uchaguzi mdogo wa kata hiyo unafanyika baada ya mahakama kutengua uchaguzi wa awali kutokana na ukiukwaji wa baadhi ya taratibu za Uchaguzi.
“Tuko hapa kwa sababu chama kimoja kati ya vyama vinne vinavyoshiriki Uchaguzi huu mdogo, kulalamika kwamba tumehamisha vituo na kuvipelekea kwenye maeneo ambayo sio rafiki kwa wapiga kura,” alisema Kagurumjuri.  
Alifafanua kuwa hali halisi inaonesha kwamba kanuni  na taratibu za kupigia kura, haziruhusu kuweka kituo kwenye jengo la mtu binafsi,  na shule hiyo ambayo ilikuwa na vituo kadhaa ni shule ya mtu binafsi.
“Kwa hiyo kwa Uchaguzi huo wa mwakaa 2015 kanuni hizo zilikiukwa sasa kwa uchaguzi huu kwa sababu tunataka tufanye Uchaguzi kwa kufuata kanuni na sheria hatukutaka kuingia kwenye uvunjaji wa kanuni na taratibu,”
 “Baada ya kuhamisha vituo na kuvipeleka eneo hilo, ikazua sintofahamu kwa chama kimoja na vyama vitatu vilivyoridhia ambapo tulikuwa na mashaka inawezekana kilifaidika na vituo kuwepo maeneo hayo,” alisema.
Kagurumjuri alisema vituo vingine vimehamishiwa kwenye eneo la wazi na lenye usalama zaidi kwa wapiga kura pamoja na vitu vingine, na kwamba wanaona halina shida.

DSC_0456
Makamo wa Pili wa Rais wa Zanzibar Balozi Seuf Ali Idi akisalimiana na Katibu Mkuu wa Wizara ya Ujenzi Mawasiliano na Usafirishaji Mustafa Abdujumbe mara baada ya kuwasili katika Ofisi ya Halmashairi ya Wilaya ya Kaskazini A Mkokotoni Mkoa wa Kaskazini Unguja kwa ajili ya Kushuhudia utiwaji wa saini ujenzi wa Barabara za Bububu Mahonda Mkokotoni,Pale Kiongele,Matemwe Muyuni na Fuoni Kombeni.
DSC_0487
Katibu Mkuu wa Wizara ya Ujenzi Mawasiliano na Usafirishaji Mustafa Abdujumbe kulia akitoa taarifa kuhusiana na Uwekaji saini ujenzi wa Barabara za Bububu Mahonda Mkokotoni,Pale Kiongele,Matemwe Muyuni na Fuoni Kombeni hafla iliofanyika katika Ukumbi wa Halmashairi ya Wilaya ya  Kaskazini A Mkokotoni Mkoa wa Kaskazini Unguja.
DSC_0509
Waziri wa Ujenzi Mawasiliano na Usafirishaji Balozi Ali Karume akitoa hotuba kuhusiana na Ujenzi wa Barabara katika hafla ya Uwekaji saini ujenzi wa Barabara za Bububu Mahonda Mkokotoni,Pale Kiongele,Matemwe Muyuni na Fuoni Kombeni, iliofanyika katika Ukumbi wa Halmashairi ya Wilaya ya  Kaskazini A Mkokotoni Mkoa wa Kaskazini Unguja.
DSC_0522
Katibu Mkuu wa Wizara ya Ujenzi Mawasiliano na Usafirishaji Mustafa Abdujumbe kushoto akitiliana saini na Mkurugenzi Muendeshaji wa Kampuni ya China Civil Engineering Construction Corporation(CCECC)Jiang Yigao kuhusiana na ujenzi wa Barabara za Bububu Mahonda Mkokotoni,Pale Kiongele,Matemwe Muyuni na Fuoni Kombeni,hafla  iliofanyika katika Ukumbi wa Halmashairi ya Wilaya ya  Kaskazini A Mkokotoni Mkoa wa Kaskazini Unguja.
DSC_0530
Katibu Mkuu wa Wizara ya Ujenzi Mawasiliano na Usafirishaji Mustafa Abdujumbe kushoto akikabidhiana vitabu vya mikataba na Mkurugenzi Muendeshaji wa Kampuni ya China  Civil Engineering Construction Corporation(CCECC)Jiang Yigao Baada ya kutiliana saini  kuhusiana na ujenzi wa Barabara za Bububu Mahonda Mkokotoni,Pale Kiongele,Matemwe Muyuni na Fuoni Kombeni,hafla  iliofanyika katika Ukumbi wa Halmashairi ya Wilaya ya  Kaskazini A Mkokotoni Mkoa wa Kaskazini Unguja.
DSC_0571
Makamo wa Pili wa Rais wa Zanzibar Balozi Seuf Ali Idi akitoa hotuba katika hafla ya utiaji saini ujenzi wa Barabara za Bububu Mahonda Mkokotoni,Pale Kiongele,Matemwe Muyuni na Fuoni Kombeni,hafla  iliofanyika katika Ukumbi wa Halmashairi ya Wilaya ya  Kaskazini A Mkokotoni Mkoa wa Kaskazini Unguja.
DSC_0580
Baadhi ya wageni waalikwa waliohudhuria katika hafla ya uwekaji saini ujenzi wa Barabara za Bububu Mahonda Mkokotoni,Pale Kiongele,Matemwe Muyuni na Fuoni Kombeni,  iliofanyika katika Ukumbi wa Halmashairi ya Wilaya ya  Kaskazini A Mkokotoni Mkoa wa Kaskazini Unguja.
DSC_0592
Makamo wa Pili wa Rais wa Zanzibar Balozi Seuf Ali Idi akiwa katika picha ya pamoja na Viongozi mbalimbali waliohudhuria katika  hafla ya uwekaji saini ujenzi wa Barabara za Bububu Mahonda Mkokotoni,Pale Kiongele,Matemwe Muyuni na Fuoni Kombeni,  iliofanyika katika Ukumbi wa Halmashairi ya Wilaya ya  Kaskazini A Mkokotoni Mkoa wa Kaskazini Unguja.
PICHA NA YUSSUF SIMAI/MAELEZO ZANZIBAR.

Twitter logoHaki miliki ya pichaREUTERS
MTANDAO wa kijamii wa Twitter imetangaza kwamba imeanza kuwafungulia watu wanaoutumia mtandao huo   uwezo wa kuandika ujumbe kwa kutumia tarakimu 280 badala ya 140.
Kampuni hiyo ilikuwa imewawezesha baadhi ya watu kutumia tarakimu hizo lakini kwa majaribio tangu Septemba lakini sasa wamesema watu wengi wataruhusiwa kuandika ujumbe mrefu.
Watakaozuiwa pekee ni wale wanaoandika ujumbe kwa Kijapani, Kichina na Kikorea ambao wanaweza kuwasilisha maelezo zaidi kwa kutumia tarakimu chache.
Ufupi wa ujumbe
Wakati wa majaribio, ni ujumbe 5% ambao ulikuwa na urefu wa zaidi ya tarakimu 140 na ni 2% uliokuwa na zaidi ya tarakimu 190, wamesema.
Lakini walioandika ujumbe mrefu walipata wafuasi zaidi, walihusiana na watu zaidi na walitumia muda zaidi katika mtandao huo.
"Tuliona kwamba watu walipohitaji zaidi ya tarakimu 140, waliandika ujumbe kwa urahisi na mara nyingi. Muhimu zaidi, watu waliandika ujumbe wa chini ya tarakimu 140 mara nyingi zaidi na ufupi wa ujumbe wa Twitter ulisalia," meneja wa bidhaa na huduma wa Twitter Aliza Rosen ameandika
Mabadiliko hayo yalipotangazwa mara ya kwanza, wengi waliyakosoa na kusema badala yake wangelipenda kuona taarifa za chuki pamoja na mashine zinazoandika ujumbe zikidhibitiwa zaidi.
Aidha, wengi walitaka ujumbe urudi kufuata historia tena, ujumbe wa karibuni zaidi ukionekana mwanzo na pia waweze kuhariri ujumbe.
Mtandao huo kwa sasa una watu 330 milioni, idadi ambayo ni ya chini ukilinganisha na 800 milioni wa Instagram na zaidi ya 2 bilioni wa Facebook.

OdingaHaki miliki ya pichaAFP/GETTY
KIONGOZI  wa upinzani nchini Kenya Raila Odinga amependekeza serikali ya muda iundwe nchi humo na kutawala kwa muda wa miezi sita kama sehemu ya kutatua mzozo wa kisiasa nchini humo.
 Odinga, ambaye alisusia uchaguzi wa marudio uliofanyika mwezi uliopita, amesema katika kipindi hicho kunafaa kufanyika marekebisho ya katiba kuchunguza upya mamlaka ya rais.
Kiongozi huyo ambaye ameanza ziara nchini Marekani alisema yuko tayari kufanya mazungumzo na Rais Uhuru Kenyatta kuhusu marekebisho ya kikatiba ambayo anasema yanahitajika kupunguza hatari ya kuzuka kwa fujo kutoka kwa makundi ya jamii za wachache ambao wanajiona kwamba wametengwa.
 Kenyatta alitangazwa mshindi wa uchaguzi huo wa marudio uliofanyika tarehe 26 Oktoba akiwa na kura 7.5 milioni ambazo ni sawa na asilimia 98 ya kura zilizopigwa.
Waliojitokeza kushiriki uchaguzi huo ni asilimia 39 ya waliojiandikisha kuwa wapiga kura nchini humo.
Uchaguzi huo ulitokana na hatua ya Mahakama ya Juu, kufuatia kesi iliyowasilishwa na Bw Odinga, kubatilisha matokeo ya uchaguzi wa tarehe 8 Agosti ambapo Bw Kenyatta alikuwa ametangazwa mshindi akiwa na asilimia 54 ya kura.
Mahakama ya Juu ilisema uchaguzi huo wa mwanzo ulikumbwa na kasoro nyingi ambapo  Odinga alisusia uchaguzi wa marudio akisisitiza lazima mageuzi yafanywe katika Tume ya Uchaguzi (IEBC).
Alisema hakuna na imani kwamba uchaguzi huo wa marudio ungekuwa huru na wa haki.
Wafuasi wa  Odinga wamekuwa wakiandamana mara kwa mara tangu kutangazwa kwa matokeo ya uchaguzi wa kwanza.
Watu zaidi ya 50 wameuawa katika makabiliano kati ya polisi na wafuasi wa upinzani.
"Mfumo halisi wa utawala wa urais unaendeleza ukabila kwa sababu kila kabila linahisi kwamba haliko salama ikiwa mtu kutoka kabila hilo si kiongozi," aliambia Reuters kwenye mahojiano.
Wafuasi wa upinzaniHaki miliki ya pichaAFP/GETTY
Image captionWafuasi wa upinzani wamekuwa wakiandamana mara kwa mara kushinikiza mageuzi katika tume ya uchaguzi
Katiba mpya iliyoanza kutekelezwa mwaka 2010 iligatua baadhi ya mamlaka ya serikali kuu kwa kuunda serikali za majimbo 47 zinazoongozwa na magavana.
Serikali hizo huwa na uwezo wa kujiendeshea shughuli nyingi lakini bw Odinga anasema mamlaka mengi bado yamebaki kwenye serikali kuu na hilo linafaa kubadilika.
"Tulipata katiba mpya mwaka 2010; Tunafikiri kwamba wakati umefika tuiangalie upya," amesema.
Alieleza kuwa marekebisho ya Katiba hiyo yanafaa kuimarisha taasisi huru za serikali mfano tume ya uchaguzi na kupunguza mamlaka ya rais.
"Tunafikiri kwamba pengine miezi sita itatosha kufanikisha marekebisho haya ambayo tunayahitaji katika taifa hili," alisema.
Bw Kenyatta, baada ya kutangazwa mshindi, alisema hatafanya mazungumzo na upinzani hadi umalize njia zote za kisheria za kupinga matokeo ya uchaguzi.
Matokeo kamili ya wagombea wote kama yalivyotangazwa na IEBC
MgombeaChamaKuraAsilimia
Uhuru KenyattaJubilee7,483,89598.28
Raila Odinga (Alisusia)ODM73,2280.96
Mohamed Abduba DidaARK14,1070.19
Japheth Kavinga KaluyuMgombea wa kujitegemea8,2610.11
Michael Wainaina MwauraMgombea wa kujitegemea6,0070.08
Joseph Nthiga NyagahMgombea wa kujitegemea5,5540.07
John Ekuru AukotThirdway Alliance21,3330.28
Cyrus JirongoUDP3,8320.05
 Odinga, siku moja kabla ya kufanyika kwa uchaguzi alitangaza kwamba atageuza muungano wake wa National Super Alliance (Nasa) kuwa vuguvugu la kupinga serikali.
Majuzi, muungano wake uliwahimiza wafuasi wake kususia bidhaa na huduma za kampuni tatu kuu ambazo alisema zimekuwa zikiisaidia serikali ya Rais Kenyatta.
Kesi mbili ziliwasilishwa kupinga ushindi wa Bw Kenyatta Jumatatu katika Mahakama ya Juu.
Mahakama hiyo ina siku 14 kusikiliza na kutoa uamuzi kuhusu kesi hizo.
Upinzani ulipinga matokeo ya uchaguzi wa marudio na badala yake kusema uchaguzi mpya unafaa kufanyika katika kipindi cha siku 90.
Nasa hata hivyo hawajawasilisha kesi ya kupinga matokeo hayo mahakamani.
CHANZO BBC NEWS

MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget