Na.Alex Mathias
Makamu wa Rais wa Simba Geofrey
Nyange Kaburu,ametamba kuwa watapata ushindi dhidi ya Azam Fc
waliopangwa nao kucheza katika hatua ya Nusu Fainali ya Kombe la FA
Mchezo utakaochezwa April 29 kwenye uwanja wa Taifa jijini Dar es salaam
majira ya saa 1:00 jioni.
Kaburu
amesema kuwa mchezo utakuwa mgumu kwa kila timu kwani ni muhimu kwa
pande zote mbili kwani atakayeweza kuingia hatua ya Fainali ya kombe
hilo na hatimaye kuchukua Ubingwa moja kwa moja atakuwa amepata tiketi
ya kucheza Michuano ya Kombe la Shirikisho barani Afrika Mwakani.
“Tunajua Azam Fc wamekuwa
washindani wetu wakubwa kwani ikumbukwe walitufunga mechi mbili,Fainali
ya kombe la Mapinduzi na Ligi Kuu Tanzania bara,nipende kukuambia kuwa
mtu hapotei mara mbili hivyo tunaamini tutashinda na kutinga hatua ya
Nusu Fainali Lengo letu ni kuchukua vikombe viwili”alisema Kaburu
Simba ambao bado wapo kileleni mwa
Ligi Kuu kwa kuwa na pointi 59 kwa tofauti ya mbili na wapinzani wao
Yanga watakipiga na Matajiri wa jiji la Dar es salaam Azam FC ambao
msimu huu hawamo katika kugombania Ubingwa wa Ligi na wanaweka nguvu zao
katika kombe hili ili waweze kutinga hatua ya Fainali ili mwakani
waweze kushiriki Michuano ya CAF.
Nusu Fainali ya pili ya TFF
itachezwa jijini Mwanza kwenye uwanja wa CCM Kirumba wenyeji Mbao FC
watawaalika mabingwa watetezi wa kombe hilo Yanga siku ya Jumapili ya
April 30 mwaka huu.
Post a Comment